酒店大廚教煮5種蝦　虎蝦肉厚清甜宜茄汁煎【有片】

休漁期早前結束，多款海鮮已排住隊上場，包括深受港人歡迎的蝦。蝦除了營養豐富外，煮法亦多元化。蝦有不同品種，你又識幾多種呢？請來海景嘉福洲際酒店中菜行政總廚梁輝雄師傅，話給大家知5種香港人常吃的蝦，以及4種不同煮法最好味。去片睇大廚教分蝦：

第1種：草蝦

蝦殼顏色略帶綠，味道清甜，肉質略偏韌，適合開邊蒜蓉蒸，因蝦肉較易索味；另外炒蝦仁又或豉油王煎都很合適。相比起其他蝦，其味道及肉質未算最優質，但價錢卻非常親民，大約$80-90/斤，1斤約有26-32隻左右，算是最抵食的蝦之一。

▲ 草蝦(湯炳強 攝)

第2種：中蝦

略呈透明狀，味道十分鮮甜，肉質爽嫩，最宜做蝦仁炒蛋，因其很爽身，食落會「索索聲」，相當美味；另外做豉油王炒又或粉絲蝦煲也很適合。現時售價約$120-$130/斤，算是較貴價。中蝦分大及細兩種，大隻的約1斤20隻，細隻的1斤約30-32隻，細隻會較鮮甜及爽身，質素較佳。

▲ 中蝦(湯炳強 攝)

第3種：基圍蝦

最多香港人認識的蝦，體積較細，最常用來做白灼蝦，因細細隻，剝蝦殼方便，以及全隻蝦都可以吃得到。

但這蝦不太適合做開邊蒸（即切開一半蒸），因體積偏細，開半後影響口感。其鮮味只屬一般，肉質卻很爽嫩，價錢亦算抵，約售$90-100/斤，1斤約有40多隻，故是受歡迎的蝦之一。

▲ 基圍蝦(湯炳強 攝)

第4種：虎蝦

色澤帶啡，體積較大、肉厚，味道清甜及肉質爽嫩。適合原隻連殼煮，如豉油王或茄汁煎，因肉厚索汁一流，蝦殼也可一拼吸收汁醬，變得更惹味。

虎蝦煮久了不會影響肉質，因肉厚很耐煮。現時價錢為$120-130/斤，1斤約有12-13隻。

▲ 茄汁煎蝦(經濟日報圖片)

第5種：大花蝦

蝦身帶花紋，有大細體積之分，但一般都會用上較大隻的，即1斤約5-8隻，因鮮甜度極高，雖然肉質略帶韌，但勝在入口啖啖肉，可以用來做西式芝士焗，以及開邊蒸也很合適，酒樓則多用來做玻璃蝦球或做炒大蝦球。價錢相對較高，若1斤8隻，價錢大約會$170-$180/斤。

▲ 大花蝦(湯炳強 攝)

【延伸閱讀】酒店大廚教煮蝦仁炒蛋　揀靚蝦要睇蝦頭

【延伸閱讀】日本料理常見生食熟食蝦　你識分嗎？